Fáilte go dtí Suíomh Gréasáin
Ionad Naomh Pádraig
Welcome to Ionad Naomh Pádraig Website
Ní dhéanfar dearmad go ceann fada go leor ar an lá mór stairiúil agus ceiliúrtha sin, an 30ú lá de mhí na Márta 2006, nuair a thug Uachtarán na hÉireann, A Soilse, Máire Mhic Ghiolla Íosa cuairt ar bhaile fearainn Dobair, anseo i bparóiste Ghaoth Dobhar, le Ionad Fiontar agus Acmhainní Naomh Pádraig a oscailt go hoifigiúil. Ón lá sin go dtí inniú ann, tá Ionad Naomh Pádraig ag freastal go dílis ar idir óg 's aosta, ó cheithre aird na paróiste agus níos fuaide ó bhaile, tríd an réimse leathan gníomhaíochtaí agus imeachtaí rathúil a churtar ar fáil ann.
Nuair a scríobhfar agus a léifear stair agus scéal Ionad Naomh Pádraig sna blianta atá amach romhainn, tá muid dóchasach go mbeidh sé le feiceáil go soiléir dón té dar dúil leis nó léi é, gur fíor an sean fhocal a deir; 'Ar scáth a chéile a mhaireas na daoine' , mar, cuirfidh scéal an Ionaid, feoil ar bhriathra tábhachtachta mar, dian-iarracht agus dea-thoil an phobal áitiúla nó fís agus ceannródaíocht an choiste stiúrtha nó tacaíocht láidir mhuintir na háite agus eagraisí áirithe.
I ndeireadh an lae, gan dúthracht agus diongbháilteacht, gan tacaíocht agus treoir, nó gan infheistíocht agus iarrachtaí leanúnacha, roinnt mór daoine, grúpaí agus eagraisí áirithe ina measc, ní bheadh an foirgneamh suntasach sainthógtha seo, Ionad Naomh Pádraig tugtha chun críche go héifeachtach agus go cuimsitheach 's atá.
Ina measc siúd a chur muinín ionainn agus a chuidigh linn ár bhfís a thabhairt chun críche, tré infheistiú a dhéanamh in Ionad Naomh Pádraig, Dobhar tá;
An Ciste Idirnáisiúnta d'Éirinn €399,455
www.internationalfundforireland.com
Údarás na Gaeltachta €194,000
www.udaras.ie
An Pobal Áitiúil €125,000
Urraíocht ar Bhríce / Sponsor a Brick
An Roinn Gnóthaí Pobail, Tuaithe agus Gaeltachta €120,803
www.pobail.ie
Tascfhórsa Dhún na nGall €50,350
www.donegal.ie/dcc/peace.htm
Meitheal Forbartha na Gaeltachta €15,270
www.mfg.ie
Tógadh Ionad Naomh Pádraig ar son pobal na háite, le tacaíocht láidir, ó Phobal na háite.
Ráiteas Misin / Mission Statement
FACTA NON VERBA
Tá misean Ionad Naomh Pádraig bunaithe ar an ráiteas Laidine: Facta Non Verba, a chialaíonn, Beart in áit Briathar. Seo an fhealsúnacht a sheolann ar aghaidh coiste riartha an Ionaid ina gcuid iarrachtaí agus oibre. Tá an meanma fhuinniúil seo mar bhonn ríofa i ngach gné dé reáchtáil agus bainistiú an Ionaid chomh maith, sé sin, in áit barraíocht cainte a dhéanamh, aghaidh a thabhairt go dian dícheallacha ar an tásca idir lámh agus é a thabhairt chun críche go héifeachtach, profisiúnta agus go rathúil.Is coiste deonach iad, coiste stiúrtha an Ionaid, mar atá,Coiste Forbartha Dhobhair atá ag saothrú leo go beo bisiúil ar mhaithe le pobal na háite. Bíonn mórtas cine 's ceantair i gcroí lár a gcuid iarrachtaí uilig agus iad i mbun a gcuid oibre ag éisteacht le agus ag gníomhú ar son baill uilig an phobail, chun go mbeadh deis ag achan nduine, idir leanbh 's liath, sult agus pléisiúr a bhaint as saol na gaeltachta, chomh maith le as an réimhse leathan imeachtaí sóisialta, cúltartha agus oideachasúil a churtar ar fáil díofa in Ionad Naomh Pádraig.
Mar fhocal scoir, is lárionad sármhaitheasa é, Ionad Naomh Pádraig a bhfuil clú agus caill air i ngar agus i ngéin, de bharr an ardchaighdeán feabhais atá le feiceáil i ngach ghné de shaol agus imeachtaí an Ionaid.
Buailigí isteach & bigí linn. Beidh fearradh na fáilte romhaibh.
Tá Ionad Naomh Pádraig tiomanta, an tseirbhís is fearr a chur ar fáil duit. Chun cuidiú linn an sprioc seo a bhaint amach, tá do chuidiú ag teastáil uainn. Má tá aon rud le rá agat, bíodh sé dearfach nó diúltach, faoin Ionad é féin nó faoin tseirbhís a fuair tú uainn, nó má tá aon tuairimí nó moltaí agat fá chursaí / rangannaí / imeachtaí eagsúil gur mhaith leat feiceáil a reachtáil againn, nó mas mian leat pointe a dhéanamh faoin doigh ar bhféadfadh muid ár seirbhís a fheabhsú, ba mhaith linn closteáil uait.Dean teagmhail linn le do thoil.